ПАДАРЫ ДЗІЦЯЦІ НАВАГОДНІ ЦУД

Новы год — гэта час, калі нават дарослыя пачынаюць верыць у цуды. А для дзяцей гэта асаблівыя дні, напоўненыя чаканнем падарункаў, салодкімі пачастункамі, усмешкамі і радасцю.

Але не кожнае беларускае дзіця сёння можа сустрэць святы ў родным доме, побач з усімі блізкімі.

Многія беларускія сем’і, якія пацярпелі ад палітычных рэпрэсій, былі вымушаныя пакінуць Радзіму і пачаць жыццё нанова ў Літве. Для іх дзяцей гэта азначала развітанне са звыклым светам, сябрамі, роднымі мясцінамі, а часам і працяглую разлуку з блізкімі.

Мы не можам змяніць мінулае гэтых сем’яў, але можам падарыць іх дзецям крыху радасці сёння!

Напярэдадні Новага года Dapamoga адкрывае дабрачынны збор на 1500 €, каб падрыхтаваць падарункі і арганізаваць святочны салодкі стол для дзяцей рэпрэсаваных беларусаў, якія жывуць у Літве.

НА ШТО ПОЙДУЦЬ САБРАНЫЯ СРОДКІ?

Навагоднія падарункі

Мы хочам, каб кожнае дзіця атрымала свой асаблівы сюрпрыз, адчула ўвагу і клопат, а таксама захавала цёплыя ўспаміны пра свята.

Святочны салодкі стол

Прысмакі, ласункі і ўтульная атмасфера, у якой дзеці змогуць сабрацца разам, пазнаёміцца, пагутарыць і проста парадавацца святу.

ЯК ДАПАМАГЧЫ?

Наша агульная мэта — 1500 €.

Кожнае ахвяраванне набліжае нас да яе. Не існуе занадта маленькай дапамогі, калі за ёй стаяць шчырасць і жаданне зрабіць нешта добрае.

Калі вы не маеце магчымасці падтрымаць збор фінансава, падзяліцеся ім з сябрамі і знаёмымі.

Навагоднія цуды не заўсёды адбываюцца самі па сабе. Часам іх ствараюць людзі — сваімі рукамі, добрымі сэрцамі і маленькімі ўчынкамі.

Давайце разам станем такімі людзьмі!

ПАДАРЫМ ДЗЕЦЯМ НАВАГОДНІ ЦУД!